第五天,早餐當然唔少得!
食完出去行下,今日下午機,唔洗急!
行一站去隔離條購物街逛下。
好地道的購物街,不太多人,行得好舒服。
跟住又到食晏時間,今次試呢間,出明嘅………
炭火燒鰻魚飯…………
即燒即上枱,非常美味,室內裝飾亦古色古香!
食完返酒店拎行李,準備回程!
搭機埸Shuttle Bus最方便,Bus stop就在酒店旁,極方便。
車費¥1250,可在旁邊有人售票亭買票,亦可上車交款比司機入錢箱。
一小時車程就到機場。
不用太早到,因國際航班不多,所以地勤Check in櫃枱唔會早開。
寄完行李過返國內線大樓逛逛………
出去觀景台參觀下先!
天色非常靚。
距離起飛仍有一段時間,去食個餐先……
幸好食飽飽,班機delay完,又再delay…………!
Delay左成兩粒鐘,卒之入閘。
卒之上機啦!五日四夜時間充裕,真係一個悠閑旅程!
今個旅程完滿結束,可以話係平、靚、正!
多謝收看!
-完-
第四天,依舊吃個早餐先。
颱風過後的第二天,卒之陽光普照,今天可去遠D嘅郊外行下。
先搭市電去中央駅先…
搭JR枕崎線去玩熱沙浴嘅地方。
列車班次並不密,所以最好上網check真D,就唔怕走雞!
颱風後交通解封情况可在駅內告示板睇到。
預早左到,列車剛埋站落客,就係呢款舊火車,只得兩卡…
車內構造真令人大開眼界,好有六七十年代feel!
今次呢程要¥1000。
天花還有古董電風扇。
枕崎線從中央駅向南沿海邉走,沿途視野好廣。
由於越走越鄉郊,中途有不少無人當值車站,所以司機會做收車費工作,車門亦只會開第一及第二兩扇門供上落。
差不多一小時車程,黎到啦!…「指宿駅」。
車站大堂就係咁簡單…
站外左邊就有觀光案內所,可取番張地圖,而不遠處更有免費足湯添。
沿地圖行,穿過昔日嘅名店街…依家十室九空。
就可去到遼濶的海邊沙灘。
海邊遠處有Resort Hotel,景觀應不錯。
逗留左一會,又要趕返車站,因要去下一個每日得幾班車到嘅地方…
列車13:18到,買票上定月台等車先。
再向枕崎方向走幾個站,就黎到JR全日本最南之駅…「西大山駅」。
背景係有薩摩富士之稱嘅「開聞岳」,風景非常靚,車站對出,還有紀念品店售賣土産。
呢度重有著明嘅黃色郵筒,所以唔少得要寫番張明信片。
由於列車班次疏,所以要計劃好,否則要等幾小時先有車走。
車到啦!乘客不多,唔怪得班次咁疏。
由於係無人車站,所以上車要取番張整理卷。
今日遠遊目標順利完成,坐番個多小時車程返中央駅。
由於用One Day Pass,去多次錦江灣影下櫻島火山遠景先。
返到天文館通,食番個下午茶…特選燒豚拉麵。
行埋隔離商店街間Daiso,返酒店抖下,晚上再去Amu Plaza逛下!
今晚晚餐鋸扒+飯後甜品…便利店白熊冰。
今日非常充實,休息先,明天最後衝刺!
Day 5見………!
