食早餐唔少得………
食完,出發……
徒步向Subway日本橋站方向……
途中會經過遊客必到的「黑門市場」。
順道入去逛下……
路口呢檔魚生飯好旺場,一早排晒隊,賣到唔停手……
再行入D,有好多賣seafood,又有燒海鮮,燒和牛……
價錢不算平,但仍幾多人幫襯。
由於剛吃飽早餐,所以只是逛一逛……
出番路口就到了Subway入口。
買張一日券……
今日去三井Outlets,目的地「門真南」站,要轉車的……
轉車都要行一段路……
到了,個車站洗手間都幾靚喎!
上地面之後,其實都離遠望到Outlets所在地。
呢個Outlets其實比較細,但近市區,若想瘋狂購物應滿足唔到了!
去下一目的地……
去「阿波座」站,上地面向「中之島Gate」進發……
跟住西稅務署方向,就會揾到……
BBQ就自選海鲜,拎去cashier秤及付款,再加開爐費。
若不是BBQ,就自己取食物紙牌,拎去cashier付款,就可坐定定等食!
買左五式當日魚生,加個唐揚雞球,好味!
今日唔多客,環境幾舒服。
又再搭Subway,今次去「大阪港」……
落車向天保山進發……
旁邊還有「海遊館」……
都好多人,買票入館排長龍。
重有遊船河Santa Maria號,可兜出港遊一圈……
返入商場行下,遇啱有表演睇添……
Legoland亦在此,不過要有小童一齊先可入場!
再搭Subway返心齋橋……
購下物,再搭去「天王寺」逛下……
一出站見到「Q's Mall」,都幾多品牌商店。
斜對面就係「阿倍野」展望大樓,揾日會上去參觀下。
今日果張Subway 一日券¥600,搭左咁多程車,真係抵到不得了。
重買左靚蜜瓜,另外有魚生……做宵夜!
今天真走了不少路……
Day 4見…………!
