Vanilla Air香草航空初體驗-東京Day 2

第二天,天濛濛光已出發,向新宿站進發,皆因今天要去頗遠地方…富士山河口湖。

 

 晨咁早當然車站內不算人多,但都開始有人搭車上班。
今次要搭中央線,月台係10號,住松本方向,係今日的首班車開07:00。

 

 終於有車駛入月台,呢架係Limited Express車,名為Super Azusa,用昨晚係機埸買的JR Kanto Pass乘搭冇需再購票。因為冇預先劃位,所以唯有排自由席,不過首站上車唔會冇位的。

 

 目的地係大月站,車程超過一小時,所以買定早餐上車慢慢食!

 

 沿巿區駛進郊外,開始有D風景睇下!一個半鐘車程卒之來到大月站。

 

 氣温真係幾低,昨晚可能下過雪添!跟指示向前行去轉車。

 

 見到呢個閘機唔好出!一路向前依富士急行線方向去就會見到入閘機!

 

 有富士急行線售票處,不過有Kanto Pass就有通行便利,show俾站員睇就可入閘,搭一般富士急行列車是不需再購票。

 

 普通列車準時到了,雖然是普通車卡,但亦非常有特色,木地板真的好有暖意啊!

 

 終於見到富士山啦!天色重一流添。

 

 中途停泊富士山站,但今次目的地是河口湖,那處與富士山更近。

 

 富士急行線由於暖氣開放,為免外面冷風入侵,車門都設有開關掣,想落車就要自己動手了!

 

 差不多一小時車程,到了總站。嘩…靚到不得了,今天晨早起程真值得啊!

 

 原本車站外有遊覽巴士可搭,不過選擇了徒步行十分鐘就黎到河口湖。

 

 這裏有吊車可搭上天上山公園,遠眺富士山全景,不過今天吊車正維修暫停!

 

 沿住湖邊有不少手信舖和食屋。亦可選擇返回車站幫襯下駅內烏東店。

 

 回程搭番富士急行去大月站,再轉中央線返新宿,今次搭到另一款列車…Kaiji甲斐路號。

時間尚早,所以可以去埋Tokyo Disneyland買D禮物,不需要入迪士尼樂園,在園外有一大商舖已可滿足地買下一大堆心頭好。

 

 

 

 係迪士尼另一邊IKSPIARI商場,地庫有不少美食,呢果火山牛扒鐵板set,盛惠¥1000,真不錯!

 

 

 回程經過東京駅,出去拍番張夜景先!

 

玩足一天是時候休息了! Day 3再見!